飛哥農曆年同馬丁去咗大馬玩，年初十同大Sir喺香港會食午飯後，就去咗禮賓府出席煲呔嘅新春酒會。飛哥一直認為特首應該住官邸，話民望都會高啲，所以佢唔明老董當年為乜一定要住喺自己屋企。
前晚酒會人多勢眾，飛哥都知好難有機會同特區高層詳談，但係佢始終認為煲呔同肥龍今次政改方案嘅游說方法有問題，結果壞了大事，如果佢哋一早就同大狀以及部份民主派閂埋門慢慢斟，而唔係搞到大家企梗冇彎轉，形勢會好唔同，煲呔為此事耿耿於懷，皆因條氣唔順，但係都唔怪得人。
八方問飛哥會唔會加入大狀黨？佢話自己已經唔再參政，所以一定唔會再入黨。
呢位前自由黨主席話，大狀黨的確有問過佢嘅意見，佢覺得同中央打交道，細黨一定唔夠力，香港民主派必須集合大家力量，千祈唔好搞分裂，咁樣先至有前途。
傳真︰2623-9278
電郵︰[email protected]