大抵你會問，現成情人節卡選擇多的是，何必要做埋啲手作仔咁笨？老套啲講句：「物輕情義重」，送禮要講心——心意、心思同心機，畀另一半知道你唔嫌煩肯為你剪剪貼貼，就算係整到歪歪斜斜，一定照單全收；再喺張卡面貼多兩個心，試問邊個收到唔會心動？
記者：招佩珊
材料：紅色絨布、粗鐵線、顏色卡紙、字母及心形貼紙
做法
1.絨布剪裁成一大一細的心形，大心貼上「HappyValentine」字串，細心黏上心形貼紙。
2.將卡紙剪出適合尺寸，然後對摺，於卡面先黏上屈成電話線圈及翅膀形狀的鐵線，翅膀中間預留放大心形絨布位置。
3.於2隻翅膀中間貼上大心形絨布，細心形絨布貼在電話線圈末端便可。另外可自摺信封放情人節卡。
