劉德華昨日聯同黃日華及林家棟齊到黃埔排舞，準備於後日演出「新城劉德華唱好情歌音樂會」。由於黃日華與林家棟舞姿生硬，劉德華需配合兩人，遂降低舞步難度。
擺老友上枱
黃日華說：「我呢啲起身踎低都見頭暈，所以都改咗唔少動作嚟就我哋，又唔推得！」家棟隨即笑言：「黃日華呢啲做朋友嘅唔可以反對，我呢啲做員工嘅就更加唔可以反抗啦！」
有報道指劉德華的緋聞女友朱麗倩親到吉隆坡一所廟宇求神望生仔，問華仔是否很想當爸爸？他笑言：「生仔都係求自己啦，點會求神？或者請教吓阿倫（譚詠麟），佢好似教咗李克勤一招『倒掛金鈎』，如果阿倫決定同大家講佢有細路、克勤又真係成功嘅話，我就試吓啦！」
採訪、攝影：胡比
