組合2R昨日接受商台節目《雷霆音樂派》訪問，她們表示早前返新加坡過農曆新年，又到馬來西亞探親。2R又大談童年往事，原來她們兒時住在木屋，雖然屋子被雨水侵蝕，但到現時仍屹立不倒，成員Rosanne更踢爆Race照顧妹妹時幫倒忙。
「發燒長高啲」
Rosanne說：「激死人，Race真係愈幫愈忙，當時佢喺搖籃度𠱁細妹，點知整到妹妹成個飛出嚟，嗰時真係好驚，細妹個頭重起咗個『樓』，同埋發高燒㖭。」但Race卻死撐說：「人哋啲小朋友發多啲燒，就會長高啲，好似我細個俾支棒打到個鼻，𠵱家個鼻都高啲啦。」
而金像獎昨公布入圍名單，2R坦言喜歡張艾嘉在《海南雞飯》中的演出。至於男主角，她們覺得梁家輝有兩齣電影入圍分薄票源，難免輸蝕，不過最後二人異口同聲表示希望劉德華能奪影帝。
採訪、攝影：駱華齡