陳奕迅（Eason）昨日到九龍灣綵排即將舉行的演唱會，比之前清減的他透露演唱會命名為「GETALIFE」是緣於慨歎都市人不珍惜生命，言談間還將話題拉到愛女康堤身上，指愛女是其生命的延續，流口水也特別可愛。
陳奕迅昨日與八位來自德國漢堡的交響樂團成員一同綵排演唱會，他們的音樂造詣，令Eason讚口不絕。他說：「今次都係第一次同佢哋一齊排，重同佢哋溝通𡁵，不過啲歌有咗弦樂真係正。」
「DeepV好得意」
提到演唱會名為「GETALIFE」的由來，Eason說：「唔係話說教，不過打開份報紙就見到咁多人輕生，其實討厭生活咪做啲轉變囉，係咪死咗就得先？所以今次個show都想話畀大家聽生命中有起承轉合。」Eason續說：「我亦都因為咁決定用囡囡張相嚟做新ＥＰ《LifeContinues》嘅封面，因為我覺得佢就係我生命嘅延續囉。不過我都怕佢（康堤）大個鬧我呀，佢張相流晒口水，重有DeepV，真係好得意。」
較早前略為清減的Eason又說：「真係估唔到今次會咁辛苦，我當最後一次做，所以好多事都好在意。今次又比以前參與多咗好多前期製作。我𠵱家先知道原來做一個show真係好唔簡單，四百蚊睇個show真係好抵。」
採訪、攝影：藍文浩
