楊千嬅在九年前演出無綫劇集時，每集身價微薄只得一千元，但事隔多年，千嬅最近接演一齣與張國立合演教頭父女的四十集內地劇，每集酬金高達十五萬港元，用兩個半月時間拍攝，穩袋六百萬。
楊千嬅今年銳意開拓內地市場，下月底她將會到上海演出一齣以三十年代為背景的電視劇，她在劇中飾演武功高強的教頭女兒，教頭一角已定了由憑紀曉嵐一角而為港人熟悉的張國立飾演，而霍建華也是飾演武林中人，與千嬅在劇中會有一段感情戲。
當年身價一千
早年千嬅在無綫演出劇集《美味天王》時，每集演出酬金約一千元，如今身價卻跳升一百五十倍，她首度回內地拍劇，每集酬金是十五萬港元，該劇共四十集，她只需兩個半月時間，便可穩袋六百萬。昨日記者聯絡了身在大馬的千嬅，她表示：「接拍呢齣劇，首要並唔係考慮酬金，反而係自己今年決定要打開內地市場，我認為拍劇係一個唔錯嘅方法。另外，呢齣劇監製係《功夫》嘅監製崔寶珠，我對佢嘅製作班底好有信心，加上張國立係我好欣賞嘅前輩演員，可以同佢合作好興奮。」
觀眾有新鮮感
崔寶珠在去年中開始邀請千嬅合作拍劇，她在電話中表示：「今次請千嬅拍劇，的確係畀咗一個好高嘅酬金，但我覺得係值嘅，因為千嬅除咗好耐以前拍過無綫劇集後，一直冇喺出面拍過劇，對觀眾嚟講肯定會有新鮮感。其實齣劇原本喺今年初開拍，但因千嬅好忙，最快亦要度到下個月尾佢先有期開工。」
採訪：陳月媚
