吳佩慈昨日在中環為手表店開幕活動擔任壓軸嘉賓，吳嘉龍輕撫她的玉手，為她戴上價值五十多萬元的手表。吳嘉龍大讚吳佩慈靚女，更欲問對方攞電話號碼。吳佩慈則指吳嘉龍太靚仔，反而鍾情眼睛小小如韓國天王Rain的男孩。
吳佩慈昨日率領吳嘉龍、周汶錡及陳嘉容等名模，為位於中環的EECTimezone開幕活動示範手表。身穿珠片裙、酥胸半露的吳佩慈，獲大會安排吳嘉龍為她戴上一枚價值五十多萬元的Meyers手表。
襄王有心
問吳嘉龍會否與吳佩慈有肌膚之親而被電親，他笑說：「我係專業模特兒，不過佢真係靚到不得了，好好攬，都有一刻俾佢電親。」吳佩慈是否他心目中的dreamgirl？吳嘉龍說：「表面都係，不過唔知道內裏係唔係，台灣人都唔錯，同佢一齊，佢可以教我講廣東話同國語，我都想問吓佢攞電話號碼，不過自己唔敢，都係問吓佢保母攞電話。」
揀合眼緣
記者將吳嘉龍的一番話轉告吳佩慈，對於吳嘉龍指她好好攬，並表示對她有意思，吳佩慈笑說：「可能我肉多。都係睇吓合唔合眼緣，不過佢太靚仔，我鍾意細眼男仔，好似Rain，不過我想識啲同我唔同行業嘅男仔，有唔同學識。至於Carl（吳嘉龍），我唔會拒絕佢，如果佢真係問我攞電話，我會諗諗先。」
此外，吳佩慈表示現在單身，她說：「個個女仔都想拍拖，我平時身邊太多女仔朋友，好似《色慾都市》（Sex&theCity）咁，不過𠵱家身邊嘅女朋友都開始拍拖。」
採訪：JessicaNgan
攝影：DickyChan
