港台頭條新聞噚晚喺沙田中央公園搞咗個才子佳人元宵花燈會，幾位主持人梁文道、林超榮、黃毓民以及中央政策組新貴劉細良都粉墨登場，大家追問細良幾時正式加盟政府，怕唔怕最後滑鐵盧，細良話冇有怕。咁又係，佢位老友何安達差唔多間接幫自己宣布任命，政府都遲幾個小時先出稿，睇到班官眼都大晒。
另外，行政會議噚日公布俞宗怡嘅利益申報，佢有三又三分一個物業，兩個喺香港，一個喺多倫多，三分一個喺廣東省。喺香港嗰兩個，一個自住、一個出租；多倫多嘅物業就畀家人住，廣東省嗰間就度假用。
除咗物業外，俞小姐重持有兩間公司嘅股份，一間同財經事務及庫務局常秘黎年共同擁有，旗下唯一資產係觀瀾高爾夫球會籍。另一間公司轄下僅有嘅資產就係廣東省嗰間物業。
爆料熱線：29290000、27860099
報料傳真：26239278
報料電郵：[email protected]