成龍、古天樂及許冠文等，前晚在西貢大坳門拍攝電影《BB計劃》一場飆車戲，其間成龍特地請專人燉燕窩給古仔享用，又大爆他每天獨自躲在一角享用「媽媽燕窩」，令古仔尷尬不已！
成龍、古天樂、許冠文、黃毓民及BB主角Matthew前晚在西貢大坳門拍攝電影《BB計劃》。等埋位期間，成龍突然拿出一個暖壺，內裏盛着燕窩，並問身旁的古仔是否有興趣品嘗，記者即追問成龍為何特別照顧古仔？此時古仔即一臉尷尬，成龍則娓娓道出「愛心燕窩」背後的故事。
每日一盅
成龍說：「古仔每日拍戲，佢媽媽都會燉燕窩畀佢食，不過古仔就一個人匿埋食，自私到死，所以我搵人每日燉燕窩請佢食。」在旁的古仔聞言連忙解釋說：「咁係因為我阿媽燉嘅燕窩太甜，唔係咁啱佢哋嘅口味。」
前晚眾演員拍攝一場飆車戲，劇情講述成龍與古仔救了BB主角Matthew後，在公路上驅車奔馳，其間更遇上飛仔開車攔截及警方設置路障。雖然這場並非重頭戲，不過場面仍驚險萬分。
一抱就喊
事後問到成龍覺得古仔的駕駛技術如何？他說：「都OK㗎，唔係個個後生仔識揸車。」古仔則表示已有兩、三年沒有駕車，他說：「我平時開工因為唔夠精神，所以唔揸車，放假又唔會出街，所以我屋企都係以家庭車代步。」
至於BB主角Matthew自拍攝以來經常扭計，教成龍頭痛不已；前晚所見，當成龍抱起他時，他又即時哭了起來，待放下他後才笑個不停，成龍不禁笑着罵他：「一抱你就喊，𠵱家你就笑。」
採訪、攝影：何國豪
