現年五十八歲長期病患昌叔，早前因家中使用多年的二手電器損壞，欠費購買更換，向蘋果日報慈善基金求助，他的需要經報道後，即獲讀者購買新雪櫃及電視機給他，日前他另接獲讀者捐款一千四百三十元，紓其困境。
讀者贈家庭電器
記者到昌叔家中探訪，轉交讀者善款，昌叔十分感動，「之前讀者買電器畀我，已經好開心、好滿足，冇諗過之後重會收到咁多讀者捐款。」
他續說：「呢個時候收到呢筆錢真係好合時，因為早排過年問朋友借咗啲錢，𠵱家會先還番錢畀朋友，有剩嘅會用嚟添置啲日用品、同埋幫補伙食開支。」
患哮喘長期服藥
患哮喘病多年的昌叔，須長期服藥及到診所覆診，控制病情。他早年一直從事清潔散工，惟近年健康情況日漸轉差，被迫辭退工作，靠領取綜援金度日。
獨居的昌叔向記者表示，自從獲讀者送贈新電視機後，現在家中不愁寂寞，可以經常觀看電視節目消閒，對於善長仁翁的關懷，他坦言無以為報：「咁大個人，未試過有咁多人幫助同埋關心我，𠵱家喺我有需要時得到大家幫忙，我一定會銘記於心，第日有機會嘅時候，會盡力幫番社會上有需要嘅人；另外我亦衷心祝福《蘋果日報》善長身體健康，新年快樂。」
捐款編號：C1810
暖流熱線
電話：29908688
傳真：23702192
電郵：[email protected]
網址： http://www.charity.atnext.com