每年情人節都係情侶們最苦惱嘅日子，女仔就會煩惱買咩情人節禮物畀男朋友，而男仔又會諗到頭都出煙，帶女朋友去邊度食飯先至夠浪漫，好多有錢又無心思嘅男仔就會book間大酒店，求其揀個情人節套餐就算；唔想悶死佢又悶死自己？今日就介紹一間全港最貼近公廁，同時又最浪漫嘅餐廳畀大家，包你同情人都可以過個頂級難忘嘅情人節。
記者：羅灝汶
攝影：楊錦文
Model：Key（RTHKTeenPower）、Cates
公廁樓上享浪漫
記得當年睇「秋天的童話」，船頭尺最後實現咗對女主角嘅承諾：喺海邊開餐館，夠晒浪漫，不過原來現實中，香港都有一間叫Cococabana海邊餐館喺深水灣。曾經出現於南丫島，最近正式轉移陣地的Cococabana坐擁180度無敵大海景，整間餐廳設計以希臘白色小屋為主，餐廳最底層是泳灘的公眾浴室，中層是公廁及更衣室，主打地中海菜的Cococabana就在最上層，名副其實公廁樓上開餐！
情人節7道菜晚餐
Cococabana可飽覽全個深水灣海灘景，更可看到日落，情人節帶另一半前來感受大自然海風與輕柔音樂，肯定比坐酒店大餐廳食燭光晚餐更浪漫寫意。情人節當日有7道菜套餐提供，包括法國生蠔、法國鵝肝配白蘿蔔、馬賽燴海鮮、自製鮮梨雪芭、新西蘭鹿肉扒配車厘子汁沙律、Sabayou雜錦紅莓及朱古力餅配開心果仁雪糕，要注意的是當日晚餐分兩個時段：六點至八點半每位$480，九點後每位$580，後者比前段多兩道菜式（鮮梨雪芭及新西蘭鹿肉扒），畀多個貼士大家：記住提早預訂，揀個近海邊靚位睇日落呀！
馬賽燴海鮮
有齊新鮮到港的鮮魚柳、法國大蝦、帶子，汁底可以當湯喝，非常鮮甜。所有海鮮選用上等材料，調味以天然為主，不添加任何人工調味，正宗法國名貴菜式製法。
法國鵝肝配白蘿蔔
選用正宗法國鵝肝，配菜的白蘿蔔以汁料醃過，非常香甜入味。
新西蘭鹿肉扒配車厘子汁沙律
鹿肉扒只加小量海鹽調味，口感非常爽，吃時肉香徘徊於齒頰間，肉汁豐富。
Sabayou雜錦紅莓
要新鮮熱食才知道滋味所在，選用多種法國紅莓，甜酸度不一，入口先試到一絲甜，然後是非常酸的感覺，一種甜品多種味道。
其他招牌菜
除以上情人節套餐的特別菜式外，Cococabana都有其他好值得一試嘅招牌菜，有興趣都可以試試！
焗法國羊奶芝士煙肉卷$95
煙肉脂肪比例適中，咬口十足，羊奶芝士比普通芝士濃郁十倍，食過翻尋味。
法式焦糖燉蛋$68
鎮店之寶，大廚JeanPaul連續三次強調:「Thisisthemostpopular!」，焦糖不會過燶，入口香滑，係得喎。
Model有say
Cococabana（28122226）
地址：香港香島道深水灣海灘海灘大樓2樓
時間：12:00nn-11:00pm
座位：約75個
