美聯西半山高級區域經理黎志強話，西半山錄得農曆年後首宗大碼成交，干德道四十五號，樓齡超過三十年嘅金徽閣，約千九呎高層D室，以千一萬易手，每呎近五千八，算係近年新高價。 聽講，呢個單位上手業主係著名鋼琴家劉詩昆，佢喺九三年以七百三十萬買入，揸咗十幾年，舊年年中開始放盤，叫價約千三萬，半年多就賣出，勁賺三百七十萬，物業升值超過五成。