前日movie3.com所提供嘅電影票房報表出咗少少錯，將李連杰嗰套《霍元甲》票房加多咗兩百萬，搞到大家都以為呢齣戲贏咗《魔幻王國：獅子．女巫．魔衣櫥》，其實截至周日嘅總累積票房，《霍》片收咗二千三百三十三萬，並唔係二千五百幾萬，呢套戲計埋前日周一嘅票房，重係輸畀《魔》片截至前日約二千六百萬嘅票房。