商台昨日舉行團拜，林海峰（Jan）與杜汶澤田蕊妮夫婦都主動向大家派利是，提到新一年大計，阿Jan亂噏一番後，表示會與葛民輝製作十首慢歌，將軟硬轉型成為唱慢歌的跳舞組合。
商台主席何驥、副主席俞琤、總經理陳靜嫻以及一班DJ包括林海峰、杜汶澤及葛民輝等昨日舉行新春團拜，其中何驥負責吹哨子，俞琤開球來喻意新一年打場好波，之後各高層大派利是。
生十首歌
阿Jan非常識做，自備一大堆利是，他首先派給葛民輝，之後便在現場大叫：「喂！埋嚟啦，埋嚟啦，有嘢派呀。」杜汶澤田蕊妮夫婦當然成為被追索目標，而二人派利是時也表現得非常樂意。
新一年，軟硬再次復合，阿Jan以一貫搞笑本色謂：「我會同阿葛結婚生仔，我哋諗住生十個仔咁多，就係我哋嘅十首新歌，可能都會做演唱會㗎，不過我哋紅來紅去都係得四、五首歌，不過側田得一隻碟都可以開演唱會，我哋應該都冇問題。重有我哋會轉型，變成一隊跳舞組合，重諗住搵郭富城幫我哋搵JanetJackson呢啲舞林高手合作下。」但最後阿Jan說他們十首新歌均是慢歌，不過仍然堅持要排舞。
黃金拉闊
商台總經理陳靜嫻公布○六年兩台會有多個大型活動，如拉闊音樂已踏入第十個年頭，今年會有一個名為黃金十年的拉闊音樂會，只演一場，用意是回顧過去，據知楊千嬅與陳奕迅都是獲邀之列。另外為了迎接世界盃，下月一台便會舉辦一個打足球機Winning大賽，讓藝人與觀眾來一個打機比賽，實行人人有得玩。
採訪、攝影：胡比
