張天愛狗年伊始即喜事連連，包括在美國羅省開設第一間boutique，以及榮升「狗媽媽」。現正身在美國羅省的她接受電話訪問時說：「今年係狗年，一開始就好多開心事。第一個喜訊係我終於喺羅省開咗間boutique，第二件喜訊就係我做咗媽咪，不過唔係有咗，係有三隻小狗加入我屋企。」
買狗好兆頭
張天愛早前在街上發現有無良小販街頭賣狗，於是帶了其中三隻回家，牠們分別是體形龐大的Buddy，以及兩隻芝娃娃Cody及Milo。張天愛說：「風水師話三隻狗，三個口，等於一個品字，係好兆頭。佢哋兩男一女，加埋嘉倩（與前夫邢李火原所生的女兒），啱啱兩個好字！」
張天愛早前表示有意今年生育，不過現已改變計劃，她說：「以我嘅年紀，身體根本負擔唔到，所以𠵱家當生咗，啲狗咪係我嘅仔女囉！」
撰文：林妙萍
