中原網站最近搵到中原財務董事梁理中開《疏財雜》專欄，講按揭財資市場變化，將複雜理財概念，深入淺出講解。 頭炮《兩P壹C何時了？》，講銀行界用開嘅最優惠利率P，與金管局舊年底推出嘅「綜合利率」C之間嘅關係。 佢話，銀行舊年加息唔同步，搞到出現兩個P，金管局想以C代P，消除混亂，但銀行唔想用，因為等於將自己嘅成本攤開畀大家知。