環保鬥士陳龍生指斥，政府充當環境破壞者的例子罄竹難書，他最不滿當局經常以商業為先，多次將應保護的保育區賣給地產發展商，令天然的歷史遺物買少見少。
是次受害的東平洲海岸公園，為本港第四個海岸公園，位於香港東北水域的大鵬灣，島上的海蝕平台上有兩座約七至八米高、形狀獨特的海蝕柱，另有達五千萬年歷史的槐樹化石，屬於南海地區少見的海岸公園。陳龍生批評政府構思將該島發展成水療中心等，與保育思想背道而馳。
寶地變貨櫃場
除東平洲外，深涌、屯門、元朗等地早已成為政府為求商業價值的犧牲品。「當年深涌本來係一處好好嘅保育區，完全係生態教育嘅教材，但政府明知係咁，都堅持將佢賣畀地產商興建高爾夫球場同俱樂部，令原本嘅溪澗都填成土地。」
他又說，於屯門、元朗一帶應有不少重要的天然資料，惟政府卻將那些地方變成貨櫃場，沒有發掘其保育價值。陳教授慨歎：「如果要保護呢個地方，根本唔應該鼓勵潛水。𠵱家政府成日以經濟掛帥，做官希望喺三幾年有成績畀人睇，但係我哋喺幾百年、幾千年後，呢啲歷史財產無晒，對後人嘅損失重大。」
本報記者