韓國愛情片天后、曾主演過大家熟悉嘅《假如愛有天意》同《抱擁這分鐘》嘅孫藝珍，會喺今個月十八號嚟到香港嘅奧海城，出席新片《決戰偷心男》嘅宣傳活動。熱戀中嘅情侶可以提早到商場同另一半盡訴心中情，被選中擁有「最幸福笑容」嘅三十對情侶，重可以同孫藝珍齊齊睇首映，共度一個溫馨嘅晚上。