最近盛傳劉曉慶（左）同老公阿峰（原名孫湘光、右）喺去年年尾辦離婚，但係噚日有內地報章指著名川籍導演謝洪透露，今年新年佢哋除咗聯名發短訊祝賀親朋好友，喺劉曉慶同阿峰傳出辦離婚手續嘅前一晚，兩公婆重喺北京宴請謝洪，席間重表現得鬼咁親密，雖然謝洪唔相信佢呢兩位好朋友離婚嘅消息係事實，但佢就話若然兩個真係離咗婚，兩人嘅情誼都會一生不變。