浸大呢排薪酬轉制事件，搞到校方成個無良僱主咁，形象大失分。對於嗰六位寧願唔要飯碗都唔肯簽轉制合約嘅教員，有消息人士同八方講，𠵱家浸大會拖住先，對財政影響不大，但只要佢哋升職，就一定要簽新合約，到時乜問題都攪掂晒。
該人士又話，其實新薪酬制度唔係無好處，好似以前薪酬同公務員掛鈎時，諸多限制，但上月脫鈎後，教授年假即刻廿二日增至四十五日，又有五十九名助理教授升做副教授，另六十三名副教授升為正教授，不過人工就無跟住升。至於點解咁正佢哋六位都唔制，校方真係要諗真個問題囉。
另外，中大話希望政府資助吓百億元大計，作為中大前校長嘅教統局局長李國章噚日就閂晒後門，話明政府唔會畀錢。梗係啦，如果政府畀錢中大，到時港大又會為百億大計同政府伸手攞，李局長走佬都唔掂。
爆料熱線：29290000、27860099
報料傳真：26239278
報料電郵：[email protected]