特區政府過去一個月大執位，好多人升官，亦有人拜拜。不過有啲位如駐京辦仍然未有人填。官場老友話，政府連AO都唔夠，煲呔要搵忠誠嘅夥計當然更難，所以空降三幾件入政府好合理，但要真正得佢信任，就唔係咁易。
咁政府唔夠人，有人又冇嘢做噃。邊個？咪前特首辦主任林煥光囉。呢位前D8高官，能力不容懷疑，佢服務政府咁耐冇功都有勞，煲呔念舊到連吳榮奎梁展文都照顧，冇理由睇住阿煥光日日遊火車河，請纓無路啫。
所以，有人就提議在用人之際，可以請前主任出山。佢咁後生，所犯錯誤相比克林頓真係濕濕碎；至於做乜嘢位，咁就容後再議啦。
爆料熱線：29290000、27860099
報料傳真：26239278
報料電郵：[email protected]