周汶錡拒祝福連勝文

周汶錡拒祝福連勝文

名模周汶錡(Kathy)昨日在尖沙嘴宣傳其旅遊新書《玩味香港島》,即場化身潮人,為來賓裝身搞形象。Kathy透露現時跟美食家Jacky學煲滋潤湯水,她說:「人大咗要錫自己,煲靚湯畀自己飲,同心愛嘅人飲,不過暫時冇人可以享受。」

唔知杜德偉潦倒

Kathy去年推出台北旅遊書,請來緋聞男友連勝文寫序,問她為何新書不再找對方寫序時,她說:「上次寫台北呀,今次寫香港,所以我寫有代表性啲。」有指連勝文最近蜜運中,對此Kathy說:「好正常啫!我好耐冇見佢喇。」會否祝福他?她說:「不如等我拍拖,叫佢祝福我啦!」至於Kathy舊愛杜德偉回港被拍到生活潦倒,Kathy不置可否說:「係咪真㗎?真係唔知,因為我哋好少聯絡。」
採訪:顏英儀 攝影:陳俊強