兩隻早排受到重創的股票創維（751）同埋創科（669），近排不但股價喘定，創維上周五更見強力反彈。
小初問經紀黃，係唔係兩股的負面消息已經消化晒？經紀黃就話小初有所不知，無論為公為私，兩股有貨嘅芬佬都要撐住先。
經紀黃話，創維同埋創科有一點好相似，就係芬佬坐貨坐得相當重，當負面消息出現時，芬佬要沽清貨離場，實在一啲唔容易，如果合埋眼沽貨，只會輸得更慘。
芬佬坐重貨
芬佬如果相信公司尚有希望，惟有在低位溝貨撐住股價，一來令投資組合好睇啲，二來本身嘅花紅亦有望保住。
創維復牌以來，最低被質落至1元，但經過一輪收集之後，上周五發力勁升16.67％，收1.33元，成交股數2.66億股，金額3.3億元。
至於創科則由20元高位撻落嚟，最低見過13.55元，但因為有芬佬入場支持，上周五雖然跌市，股價仍升1.07％，收14.15元，成交金額3.06億元。
慕容小初