李克勤前晚在紅館舉行尾場演唱會，嘉賓梁榮忠出場時繼續被喝倒采，還被譚詠麟取笑是車王，但克勤卻大爆鍾麗淇日前曾到紅館捧場，又指忠仔的內憂已解決，力證忠仔與鍾麗淇沒有分手。
李克勤前晚在紅館演出尾場《李克勤得心應手演唱會》，除固定表演嘉賓郭晉安和梁榮忠外，還有譚詠麟任𢭃利是嘉賓。梁榮忠因車震事件影響，幾乎每晚出場都被觀眾狂噓，前晚當克勤介紹說有位朋友去年行差踏錯時，現場已傳出陣陣噓聲，後來克勤說：「新正頭好意頭，大家畀啲掌聲啦。」觀眾雖然拍掌，但仍夾雜不少噓聲，令梁榮忠十分尷尬。
阿倫忙𢭃利是
早前鍾麗淇被拍得搬離梁榮忠寓所，二人傳出分手，但前晚克勤兩度表示忠仔與女友沒問題，當郭晉安以阿旺身份笑說：「忠仔哥哥，我喺雜誌見到你老婆仔攞住行李走。」克勤即搶答：「早兩晚忠仔哥哥老婆仔喺度呀，睇足全場，邊有事呀？」
後來阿倫出場與克勤合唱《小風波》送給梁榮忠，阿倫說：「其實佢嘅所作所為冇乜嘢。」克勤即說：「令人髮指。」阿倫接着說：「令我哋中國人爭光，人哋話震過貓王，佢就震過車王。」克勤說：「佢內憂外患，但內憂冇事啦。」後來阿倫不停向現場觀眾𢭃利是，連歌都忘記唱。
事後問克勤怎麼知道忠仔與鍾麗淇的感情危機已過去，他說：「唔知呀，我只係見到有一晚佢嚟咗睇，好事嚟嘅。」
克勤前晚在個唱上特地唱了一首《三千零一夜》送給女友盧淑儀，他又表示個唱完結後會先放幾天假，與家人旅行及商討結婚事宜，希望在上半年完婚，他說：「我畀咗個好頭痛嘅問題女朋友，佢唔知搵邊個做伴娘襯番伴郎劉德華。」
郭晉安則透露早前欲與歐倩怡到埃及旅行及求婚，他說：「埃及係我哋一路想去嘅地方，但求婚唔一定要去埃及。」
採訪：蔡如玉 攝影：陳俊強
