一度令市場擔心出現撻定潮嘅西灣河嘉亨灣,踏入狗年,成交活躍,上個禮拜六重一日有四宗。 港置黃少明話,五座低層B,逾千呎,由紅磡買家以七百一十萬購入,每呎近六千九,比上個月市價升兩三巴仙。 另五座九百三呎低層A售六百二十萬,五座六百七呎高層F三百九十三萬,一座六百九呎中層E三百七十萬。 四個業主都獲利,即係現水平造價有承接,就算貴過隔籬鯉景灣,估計銀行都肯承按。睇嚟造價對恒基賣嘉亨灣貨尾有參考價值。