一聽到食潮州菜，即時諗起一間間地踎小店：封塵膠櫈圍住摺合式大圓枱，零裝修兼倒胃口！殊不知九龍城新開嘅潮州菜館一洗頹風，綺麗裝潢配合佳餚美點，出得大場面又潮得起，重有馳名懷舊菜──胡椒雞侍奉客人，正唔正？靚女model邊打乞嗤邊停唔到口狂喫，你話呢?!
記者：盧家蕙
攝影：何家亮
Model：Clairol@Salvador
何師傅教路：「呢味係傳統潮州菜式，唔係周圍食得到㗎！做法係先將雞隻開胸，撒入胡椒粒同薑葱，之後浸落大煲胡椒汁入面，足半個鐘就食得喇！」經過胡椒味內外夾攻，雞身異常入味，唔點薑茸食都非常正斗。
「我哋有正宗風味」
九龍城給人感覺就像一個風燭殘年的老人，飽歷風霜的他沒有高不可攀的食肆，風味十足的小店卻比比皆是。「潮家風情」是「城寨風情」的小妹，前者賣潮州菜，後者主攻粵菜，兩姊妹相隔不遠，屬同一集團，負責人坦言：「選址九龍城因為租金夠平，雖然附近有好多潮州菜館，但我哋既有正宗地道風味，裝潢亦花咗唔少心思，而價錢只係同一般小店差唔多。」依小記所見，未到6點已客似雲來，大枱早早被預訂，情調十足的卡座位更長期被食客虎視眈眈！
甜多鹽少保鮮味
食物質素的高低才是客人留步的主因，這裏的菜餚食材新鮮，師傅刀工精細，烹調後的味濃鮮美，所以吸引一眾識途老饕。何師傅話：「我哋堅持傳統潮州菜做法，味道較清，甜味較多，醬料獨特，多用海鮮少用鹽，盡量保留菜餚嘅清淡鮮美。」當然，街坊價亦是主要賣點之一！
干燒伊麵（兩面黃） $48
一大餅麵是潮州人生日必吃食品。先將蛋麵炸好，再以上湯、糖及浙醋煨熟至金黃色，麵條口感香脆，吃時蘸以砂糖或黑醋，前者甜絲絲，後者則夠醒胃。
潮式炸蝦棗 $62
炸蝦棗以自家打的蝦肉、韭黃、馬蹄粒等製成，打成棗狀入鍋炸熟，彈牙香口的蝦肉夾雜爽脆的馬蹄粒，蘸點橘油同食味道更佳。
迷你佛跳牆 $88
原盅mini版佛跳牆，選用多款上乘材料包括鮑翅、鮑魚、瑤柱、冬菇、花膠及藥材，加入清湯燉2小時至起膠，滋補益氣，二人吃剛剛好！
半煎煮黃花魚 $88
連湯上碟的黃花魚，以普寧豆醬、上湯等燜製，魚身因為煎過而不會一夾即散，濃湯滲入魚肉，鮮而不膩，不吃黃花魚可以其他即日鮮代替，同樣美味。
睇埋裝修
稱得上「潮裝」的潮州菜館，裝潢當然比一般地踎小店用心。
食客有say
潮家風情（23831678）
地址：九龍城太子道西456至460號地下
營業時間：5:30pm-3:00am
座位：102個
