林建明噚日喺星光大道舉行「星光好心晴」活動，佢話今年會舉辦一個校園計劃，去全港嘅中小學推行健康情緒計劃，希望令老師同學生有機會認識同關注情緒病。不過大姐明就話只係負責策劃，因為佢都要留意自己嘅精神狀態，一定唔可以畀自己太過勞碌。問到佢會唔會聯絡吓洪朝豐，大姐明就話遲啲先算。