曾自稱患有兩極性情緒錯亂的洪朝豐，自在泰國做完七日和尚返港後，行徑便極度怪異，繼早前在志蓮淨苑大吵大鬧，以及揚言要籌款一億元後，昨日他突然入住東區尤德醫院的精神科急性男病房，留醫期間語無倫次，情況令人擔憂。
洪朝豐上周四才宣布下周日舉行慈善拍賣，昨日他突然入住東區尤德醫院的精神科急性男病房，記者前往探望時，要先行登記及經過護士兩重關卡，進出房門更要由護士開鎖。
護士又叮囑記者不可在房間內接聽手提電話、拍照和錄音，以保障病人權利，就連記者所攜的香蕉，亦要由護士檢查才交到洪朝豐手上，保安嚴密。
「話我唱得好」
洪朝豐在護士引領下到一房間跟記者會面，雖然他表面看來精神狀況跟之前沒有異樣，但說話卻語無倫次。問洪朝豐為何入院，是否與之前抑鬱狂躁症有關？他說：「唔係抑鬱，只係有啲攰啫，我半夜入院嘅！好似初五，又好似初六入嘅，以前嘅嘢唔講嘞，總之我年十二（周四）會出院，跟住年十五做慈善拍賣。
「今次入院想休息吓，同埋了解一吓精神病人同精神科護士，原來精神科好多卧虎藏龍，我識咗好多嘢，之前我都做咗半小時慈善表演畀佢哋睇㗎！」
問洪朝豐表演甚麼項目？他說：「唱歌囉，真係開心到儍咗！個個話我唱得好，真係好開心，我又幫佢哋執床，又教佢哋做運動同瑜伽，重幫佢哋起埋法號㖭，好似有個成日話自己係罪人，我幫佢起法號叫『伏魔』，有個講嘢好大聲嘅就叫『靜善德』。年十五我個慈善拍賣，都會幫埋呢間醫院籌款，我話要籌一億，呢啲隨緣啦，已經有太多人話嚟幫手，好似班院友都話要嚟投嘢！」
護士指患病
洪朝豐滔滔不絕暢談其籌款大計期間，一男護士上前向記者說：「佢有病，唔係咁適合做訪問，等佢情況穩定啲先啦！」記者追問洪朝豐的精神狀況，以及是他自行入院還是被強行要求入院時，男護士以病人私隱為由拒絕透露。
採訪：駱華齡 攝影：陳俊強
