踏入三十四歲，邁向中年另一個人生階段。未來十年，Ronald以紅館演唱會作開始，希望是個好開始，他說：「演唱會裏面，我會為自己過去嘅音樂作一個總結，重會唱埋我由細到大聽嘅歌，好似許冠傑、譚詠麟、Beatles、玉置浩二、溫拿同張學友嘅歌。」
「我着重唱歌」
處男個唱四月中旬舉行，Ronald現在已很期待，不過有點嚕囌：「香港嘅觀眾好奇怪，對本地同外國歌手有雙重標準，外國人嚟唱，就算只係棟喺度齋唱都接受到，香港歌手就一定要耍雜技打觔斗，我唔明點解，啲歌好聽唔係最重要咩？所以我今次演唱會，唔搞咁多嘢，我着重唱歌。」
說到底，Ronald跳舞不在行，耍雜技環節無法滿足觀眾，難道要在台上邊唱歌邊變魔術娛賓？這樣有違歌手的尊嚴，不過Ronald還是請來吳鎮宇等一班老友拍短片，放在開場時播，而片中的故事結尾，就由觀眾決定，Ronald等在演唱會尾聲現場演繹。這樣一個着重以歌會友的演唱會，不怕被寵慣了的香港觀眾不滿而壞了口碑？Ronald說：「總要有人試㗎，我相信好聽，已經係最煞食。」
「條路自己揀」
至於中年危機，Ronald不怕：「中年危機代表甩頭髮定大肚腩？我咁瘦都想長多少少肉，髮線上移唔係唔驚，係驚唔嚟。我𠵱家相信，活得好唔好，有冇危機，條路點行，都係自己揀嘅。」