外國遊客到內地旅遊，好多時候都覺得換錢極之唔方便，吓吓要到銀行或入住嘅酒店先至有得換。但係中國人民銀行上海總部發布最新嘅消息話，會喺今年，積極爭取喺上海嘅浦東率先設立小額外幣兌換機構試點，並將佢作為持續推動浦東綜合配套改革試點嘅重要內容。人行上海總部嘅舉動，顯示內地金融市場嘅對外開放又將向前邁進一步。