剛加盟新唱片公司的任賢齊，今年將全身投入樂壇，還預計會在紅館舉行演唱會。雖然計劃多多，但小齊似乎沒打算再添丁，他說：「唔好喇，好辛苦㗎。」
任賢齊昨日穿上紅色唐裝，在銅鑼灣時代廣場出席「金龍醒獅賀新歲」，除了大派利是外，更手執龍珠棒，帶領六獅一龍表演，令現場氣氛熱烘烘。小齊欣賞醒獅表演時，更流露驚喜神情。
盼跟基仔合作
小齊笑言不懂帶領舞獅，只是拿着龍珠棒亂揮一通，他說：「支棒好輕，但我唔知點舞，所以亂郁，所有人就跟住我喇。我覺得舞獅舞龍工程好大，真係幾麻煩㗎。」
小齊剛加盟EMI唱片公司，頓成該公司的一哥，原來他與黃柏高（Paco）斟了很多大計，還預計今年在紅館開個唱，他說：「我對Paco好信任，加埋我嘅努力，所以好有信心。我最想同Paco旗下嘅歌手好似古巨基、鄭中基或者方力申合作。」被問到是否以千萬薪酬過檔，小齊笑笑口說：「秘密，錢唔好講喇，總之係滿意啦。」
賭錢慘被賴帳
小齊昨日向記者大派利是，問他今年封了多少利是錢，他說：「我預咗幾十萬港幣啦，其實身邊啲工作人員好幫我，不過新年同佢哋小賭時，我贏咗錢，佢哋就賴帳唔畀錢囉，不過算啦，都係玩吓啫。」
問小齊會否用女兒的利是錢幫補，他笑說：「我冇帶佢去拜年，費事要人哋特別準備囉。」他又透露不會效法陳奕迅和李克勤於今年結婚。活動上，司儀祝福小齊今年再添丁，事後他說：「唔好喇，好辛苦㗎。你哋（記者）幫我湊啦，呢啲順其自然，我冇諗過。」
採訪、攝影：王連連
