埃及嚴重交通意外，搞到今個新年好傷感，啲團友一家人高高興興旅行，結果飛來橫禍，部份家庭要面對喪親之痛，大家都希望傷者早日康復，失去親人嘅就節哀順變。所以話，生命無常，真係要好好珍惜。
香港傳媒今次都全體出動，當中以有線新聞最快到達現場，而且做咗好多感人嘅報道。原來當日佢哋一收到消息，就趕去機場搭六點半飛機去新加坡，再轉去開羅，而其他行家多數搭晚上十二點飛機去蘇黎世，所以有線早到成半日，搵到多啲家庭，做到感動人心嘅訪問。
至於前晚紅海發生沉船意外，新聞總監馮德雄佢哋一收到消息，就調動喺附近嘅梁麗嫦趕去，成為全球第一支抵達現場嘅採訪隊，真係厲害，連美聯社AP以及埃及電視台都要用佢哋嘅片段，香港新聞界今次真係威番次。
八方認為，新聞部班手足咁搏，舊年底升做執行董事有線新聞台一哥趙應春，應該識做啦。
爆料熱線：29290000、27860099
報料傳真：26239278
報料電郵：[email protected]