側田早前以新人王姿態在各大頒獎禮上奪得不少獎項，昨日他特地於尖沙嘴與百多名歌迷慶祝。雖然早前被雜誌拍得M字額真面目，但側田表示沒有因此影響過年的愉快心情，反而因有歌迷對着他哭，令他感到難過。
搬屋保私隱
側田說：「我都話畀啲歌迷知我冇嘢，但佢哋都擔心我，有啲重喊㖭，我又唔係放火打劫，我一向對自己冇乜信心，只對做音樂有信心。」他又表示已決定搬屋，現時家裏也經常拉上窗簾。
近日積極籌備演唱會的側田，正勤練跳舞，他說：「我希望一個月後，可以跳到好似阿Rain咁。」
至於新年在家搞派對沒有請緋聞女友林苑，他說：「點解要請佢呀？」難道二人不再是「兄弟」？側田說：「我係請我一年班時嘅兄弟。」側田又謂從不過情人節，但稍後會傳短訊給林苑賀新年，而為對方作曲的計劃也不會變。
採訪：王連連
攝影：陳俊強