劉遵義北上會女友 - 李八方

  劉遵義北上會女友 - 李八方

中大校長劉遵義趁住農曆年,向中大校友發出e-card(圖)拜年,祝大家新春大吉。劉校長當年捨美國史丹福大學高薪厚職來港,一說同佢當時與第二任太太剛離婚有關,皆因佢想離開傷心地。咁佢𠵱家相信已經完全「康復」,因為八方聽聞,校長時常北上,除咗要加強同祖國溝通,希望收多啲大陸學生外,重順道去探望吓知心好友㖭。
記得劉校長○四年來港時剛好六十,即係𠵱家都只係六十出頭,唔算好大年紀,呢位于右任嘅外孫喺海峽兩岸都好吃得開,如果佢再婚,會係學術界一件盛事。嗱,劉校長𠵱家係單身貴族,校長府又欠缺一位女主人,佢聽日請埋八方去佢府邸「漢園」拜年,八方一定親身祝佢蜜運成功。

傳真︰2623-9278
電郵︰[email protected]