剛過去嘅農曆新年，大部份潮流舖生意聽聞唔錯，年廿九，有「地獄小裏原」稱號嘅旺角「潮特」，幾間舖生意額差不多到六位數字，真係做一日已經夠交租！柴灣新開張嘅「卧底」，亦引嚟幾百人長龍，後生仔們未𢭃利是已使幾千蚊買別注Tee同忌廉boxset。最爆冷要數銅鑼灣總統商場新開張嘅「日指」，揸fit人「純情」，聽講佢為趕做年宵前生意，急急腳喺一月中租舖，年廿七開張，過程唔使兩個禮拜。一身HighEnd打扮嘅「純情」話：「呢次總算好彩，啲猿人ZipUp同UC就咁賣晒！好多九龍賣唔出嘅高級嘢，呢邊賣得特別好。」
「純情」走日本水貨已有六、七年，同日本炒舖PX及Underground素有交情，順理成章將嗰邊啲當炒貨走嚟香港，同時亦將香港啲特別版扔番過日本。錯有錯着，「純情」便從中發咗筆新年財，佢話：「初時諗住將收番嚟批香港UC×Sillything特別版攞過日本炒舖賣，以為香港版難在本地叫價，點知都有香港人問價，標價二千幾一樣掃得狠勁！」
大食Jack（[email protected]）