今天是人日，黃宗澤與師弟司徒瑞祈日前便相約炮製高力豆沙及豆沙鍋餅賀節，二人分工合作搓麵粉、夾豆沙、落鑊炸，雖然論論盡盡，但總算成功製出好味甜點。
一望而知，黃宗澤和司徒瑞祈都是廚房稀客，不過二人趁農曆新年，竟然闖入禁地，一同炮製高力豆沙及豆沙鍋餅。黃宗澤早前左腳扭傷，故當天仍需撐着枴杖會合師弟。
過年搵周公
黃宗澤和司徒瑞祈在師傅指導下，分工合作弄製高力豆沙，由打雞蛋、搓麵粉到落鑊炸，都由他們一手包辦。隨後二人合製豆沙鍋餅，其實做法相當簡單，但他們一個雞手，一個跛腳，過程論論盡盡，幸好有師傅在場，做出來的豆沙鍋餅總算入得口。兩男固然賣花讚花香，邊食邊讚YummyYummy！
近期忙於拍劇的黃宗澤，過年只得兩天時間休息，他笑說：「過年重唔瞓覺休息呀？最多都係同媽咪食飯，喺屋企煲碟。唔出街啦，咁多人，去睇戲就變咗人哋睇我！」
享婆婆年糕
司徒瑞祈過年則甚有口福，因他有婆婆炮製愛心蘿蔔糕及年糕，他說：「婆婆會整好多底，好味㗎。媽咪就例牌整蠔豉、齋呢啲拿手小菜。以前細個成日拜年，𠵱家唔會主動𢭃利是，有少少怕醜呀！」
採訪：朱倬誼 攝影：何國豪
服裝：SistyrMoon（紫色及橙色衞衣）
場地：詠藜園
