馬丁呢個新年唔喺香港，八方噚日問佢去咗邊度避年，原來佢同阿飛哋去咗馬來西亞，年廿八起飛，初四返港。
今次一共有五對夫婦一齊出發，去咗吉隆坡同馬六甲。馬丁已經二十年冇去大馬，所以覺得變化好大，當然馬六甲嘅感覺就好特別，嗰度啲房屋重保持原貌，好有歷史味道。
馬丁同阿飛都好為食，椰青日日飲，印度餐亦食得好高興，馬丁最欣賞麵包雞同印度薄餅，另外筍殼魚就更食到佢舔舔嘴。「我最鍾意食魚頭，嗰度啲筍殼魚魚頭特別大，香港冇得食。」聽落佢想食過翻尋味。
八方問馬丁有乜新年願望，佢當然想大家身體健康，心想事成，但最緊要係民主進步。
傳真︰2623-9278
電郵︰[email protected]