新一輪嘅官員調動又嚟喇，港府噚日公布，安排四十五歲嘅教育統籌局副秘書長邱騰華升官做新聞處處長，代替較早時被調去做工商及科技局常秘嘅蔡瑩璧。做新聞處處長一啲都唔容易，要兼顧唔同傳媒、對各行家要公平，成個政府嘅形象係好係醜，某程度都好靠佢。上手嘅蔡瑩璧喺呢方面就認真麻麻，唔少行家對佢頗有怨言，唔知一向作風低調嘅邱騰華掂唔掂呢？
另外財經事務及庫務局副秘書長謝曼怡會去做行政署署長（佢老公周達明反而未有新職）；至於效率促進組專員栢志高，會做香港駐布魯塞爾歐洲共同體特派代表、前任保安局副秘書長祝彭婉儀就會當上香港駐東京經濟貿易首席代表。
傳真︰2623-9278
電郵︰[email protected]