抵睇指數：★★★★
對思域TYPE-RR情有獨鍾的跑車狂迷來說，今期《AUTOCAR》是必睇的一期，事關今期封面故事就係講全新款式TYPE-RR，這部暫定將於2007年「上市」的全新車系，外形明顯比上一代不同，頭燈由大變細，三門揭背式設計，外形跑得來又有房車的味道，而引擎則用上一台2.2公升，可發揮出197匹馬力，明顯比舊款有進步，除此之外，雜誌更披露了廠方正打算推出的TYPE-RR電單車，車未出已有樣睇，想買就要密切留意！
開篷跑車強勢出擊
對思域沒甚興趣，反被新一代林寶堅尼GallardoSpyder吸引住，這部擁有5,000cc、376匹馬力優秀條件的超級跑車雖然在某些地方及不上Coupe，但睇完筆者大讚特讚，你都會將它的所有缺點一一接納。除「林寶」外，今期另一必睇就係富豪架開篷C70，擺脫以往四四方方外形，硬頂變開篷，加埋個充滿科幻味的車廂，果然夠驚喜。
記者：黃婉冰
