城市大學教職員放假，去城大鄰近嘅筆架山帝景峰睇樓，第二日就決定，以近四百六十一萬，買入二座中層單位，八百二十幾呎，每呎五千六。佢前後只不過參觀咗兩次。 美聯香靜華話，買家咁快扑槌，主因個盤喺同區同碼中最平，附近嘅又一村又一居，八百幾呎單位入場費五百二十萬，同一屋苑嘅帝景居，入場費都要超過五百萬，精明嘅大學教職員，計過度過，又點會唔嗱嗱聲拍板吖。