富邦香港聘請財資界老行尊葉華強出任財資市場高層，執行董事范上欽仍留任。
財資生意係銀行愈來愈重要的生財環節，華華聽聞，台資富邦銀行（香港），近期將有一位財資界老行尊加盟，佢就係曾經在蘇格蘭皇家銀行、國民西敏等任職嘅James葉華強，James係本港外滙界第一代從業員，入行時間大概係星展香港主席黃鋼城之後。葉兄將於下周正式履新，擔任富邦香港金融市場的副主管（DeputyHead），屆時該行執行董事兼金融市場執行副總裁范上欽（圖），就可以唔使咁操勞。加入富邦香港前，葉華強係iMarkets電子交易平台嘅顧問。
中環財資界亦估計，縱橫行內多年的范生，已接近退休年齡，喺完成財資業務的交棒工作後，或者會退下火線，專心做富邦香港董事。