每到農曆年時候，眼見賀年美食如角仔、蘿蔔糕、糖果朱古力等，都會令肚皮來個大解放。食埋一大堆油膩煎炸食物，除了令腸胃不適外，亦必定令體重驟增，最怕就係滿面油光生暗瘡。要去除油膩、脂肪同暗瘡，即席醒你四大絕招，再加埋吳日言親自教路，排毒？Soeasy！
記者：許維雅 攝影：陳盛臣、楊錦文
Model：Abee@puremodel
鳴謝：形康營養纖體中心（31066056）
資料提供：註冊營養師尹耀林、
註冊物理治療師黃燦鴻
第一式 齋食夠甘
一向好喜歡食嘢嘅阿Yan，煎炸油膩食物一啲都難唔倒佢，食咗唔怕肥亦唔覺特別多生暗瘡。不過為保靚聲，佢都會花點心機做清熱排毒功夫。「我嘅絕招就係去藥房買定一堆花旗參片放喺袋內，隨時攞出嚟當小食咁含，甘甘哋好好味㗎。」佢又好有經驗咁話如果覺得花旗參苦，可以加甘草沖滾水飲，因為甘草甜甜哋易入口。花旗參有清熱解毒嘅作用，當零食吃有益之餘，做法又簡單，絕對值得一試。
第二式 浸spa再現黃蜂腰
呢個新療程係專門針對肚腩。首先客人會先浸含海藻、weightloss精油及死海鹽嘅spa，然後用消脂精油按摩，經磨砂、敷泥後排走肚腩多餘水份。最後以塑型油按摩肚皮穴位，搣脂10分鐘，包上遠紅外線纖體儀，令肚腩腰圍即縮。
收費：激瘦塑型水療香薰護理試做價$498
BodySpa（26826333）
地址：銅鑼灣蘭芳道1號2樓
第三式
耐力運動助開大
要做運動幫助排出體內廢物，一般拉筋動作係冇作用，一定要做30分鐘耐力性嘅帶氧運動才有效，如行斜路和跑步等。若要加速腸部蠕動，可以玩15至30分鐘以上嘅呼拉圈。
第四式 現成產品治暗瘡
吃得油膩食物多往往會容易生暗瘡，最好用針對暗瘡嘅護理產品，無謂令皮膚受罪。
消炎控油
IPSA全新暗瘡護理系列能消炎抗菌，增加皮膚抵抗力，預防及幫助暗瘡痊癒。控油啫喱則可平衡油份和收毛孔。
a.全新強效水能暗瘡精華素$220
b.全新身體暗瘡噴霧$220
c.T字控油啫喱$240
（查詢：31481448）
保濕通毛孔
CLINIQUE暗瘡定位修護啫喱能令暗瘡枯乾，使毛孔暢通。活膚面膜則能撫平暗瘡疤痕，令肌膚變回嫩滑。
a.15分鐘活膚面膜$360
b.特效水嫩補濕霜$300
c.舒緩暗瘡定位修護啫喱$120
（查詢：29181093）
全套護理最齊全
ettusaia全套暗瘡護理系列由洗面、護膚、面膜至精華素都十分齊備。其中最得意係防暗瘡集中護理面膜，將一小塊面膜敷在出暗瘡嘅地方，可以增加皮膚抵抗力。
a.防暗瘡控油啫喱$150
b.防暗瘡潔面皂$75
c.毛孔三重潔淨組合$185
d.防暗瘡集中護理面膜$220
（查詢：28821812）
第五式
清腸去油餐單
想清除腸內油脂和毒素，可以參考由註冊營養師尹耀林提供嘅排毒餐單，易做又好味。
餐單
1.雜菜雞蛋烏冬麵
有咩好：低卡路里，可促進新陳代謝和增加皮膚彈性。
材料：烏冬1個、瘦牛肉100克切片、洋葱1/2個切碎、低脂清雞湯3杯、菠菜1碗、雞蛋白2隻、鹽少許
做法：先將牛肉、洋葱放入雞湯中煮滾，放入菠菜、烏冬，下鹽調味。熄火後加入雞蛋白，蓋上滾至熟透即成。
2.紅蘿蔔湯
有咩好：含胡蘿蔔素和鈣，可消炎、補水和平衡女性荷爾蒙。
材料:紅蘿蔔2條、低脂清雞湯3杯、脫脂奶1/2杯、麵粉1茶匙、清水2湯匙
做法：放滾水煮腍已切件嘅紅蘿蔔，連一半低脂清雞湯放攪拌器內打勻，跟其餘低脂清雞湯煮10分鐘。混和麵粉清水後加入湯內，拌入脫脂奶。
3.木瓜香蕉奶昔
有咩好：幫助消滯，舒緩神經、美白，有益腸道。
材料：木瓜粒1杯、香蕉1條、橙1個、原味乳酪半杯、蜜糖1茶匙
做法：橙榨汁，香蕉去皮切段後，將所有材料放攪拌器內打2分鐘，即成。
4.西梅、檸檬水
如果想腸道增加動力和排出腸內廢物，西梅係唔錯嘅選擇。而檸檬水嘅檸檬酸可以加速消化效果，對腸胃十分有益。
