會考將至，除了準會考生心情緊張外，各大補習社都進入作戰狀態，推出一系列精讀班，大大小小的宣傳策略紛紛出籠。有財力雄厚的補習社就進行鋪天蓋地的宣傳，在大廈外牆、巴士、各大報章雜誌大賣廣告，有補習社老師更扮成電影中的主角拍攝宣傳短片。當今老師難做，搵真銀的補習老師都一樣難做！
記者：陸伊琳 攝影：陳陶鈞
補習補到揸波子
我嘅年代，補習社事業正值起飛，間間補習社都聲稱自己嘅阿Sir、Miss貼題有幾叻，本着冇蝕底咪跟住一窩蜂去補。嘩！莫講話遲到，連準時到都要坐山頂位，百幾二百人一班，$250一個學生，嘩！個半鐘收近四萬蚊，每日兩班，就算同補習社三七分帳，每個月保守估計都有成$70萬，真係和味，唔怪得阿Sir咁型揸波子啦！
真人教都係賣點
最近我向一些年輕人update一下資料，原來再沒有百人一班呢支歌仔唱，唔係老師失勢，而係因為防火條例，一個房仔入座人數有限定，咁咪斷了阿Sir財路？咁又未必，你有張良計，我有過牆梯，現在好多補習社都提供錄像教學，即係阿Sir喺一個班房教，另一啲班房就轉播，不過同學的受落程度參半，故有些補習社則以真人教授做賣點。
扮嘢短片
橋王掟橋
問李力持導演對短片有乜意見，他表示質素一般，「要攞彩，要搶，點解唔揀票房大收嘅《KingKong》又或者《HarryPotter》，《無極》雖然喺內地大收，但喺香港始終麻麻。」
扮鬼扮馬 與時並進
貼題目、攞A呢類宣傳伎倆已經不合時宜喇！近年以真人授課為主力賣點，星級教師們紛紛扮鬼扮馬拍宣傳短片。最近在RoadShow熱爆、以《無極》為主題的一輯，就有英文科補習天后MiaWong、理科王牌天皇S-Men及超星級中文名師楚鋒扮成戲中主角，佢哋又點睇：「潮流興嘛，我哋都要與時並進，如果唔係點Draw班後生仔注意。短片反應都唔錯，上堂時都有同學生交流一下意見，佢哋都覺得Miss好靚女，阿Sir幾型仔，多咗話題重有親切感㖭。」校長又點睇：「我哋係小康之家啫，比起其他大型補習社嘅宣傳只係冰山一角，至於宣傳費就係商業秘密。」即時打去RoadShow八吓，原來一般播放30秒的短片，如果日日播，一個月廣告費大約都要$200萬（未折扣價）！
聽口碑唔信廣告
玩電影橋
扮電影主角拍宣傳短片及單張。MiaWong和楚鋒扮演王妃傾城及大將軍，入型入格，呢一Round扮演北方公爵的S-Men好似弱咗啲。
劇照
行Fashionstyle
唔好以為呢個係時裝廣告，其實亦係補習社廣告，老師不再呆板，型仔型女Look都可以。據廣告公司報價，這個位連製作費每月約$18萬。
巴士巡遊最大路
據RoadShow報價車尾的淨廣告費每架車每星期約$1,250，而車身廣告費約$258-$5,375，當然有優惠及套餐選擇。
唔Sell樣淨SellA
最簡單直接。
晒馬戰術
現今補習老師除了有實力外，都要人認得佢個嘜頭。
阿媽，唔好叫我熄電視喇
踏入2006年，當代書院與香港寬頻數碼電視剛推出了全港首個「中學會考補習」電視台──《會考無難度》，把中英數三科的精讀班撮要於電視銀幕上，由三位老師分析中英數三科會考必修科的取分秘技，輕輕鬆鬆睇電視溫會考，喺收看的同時，同學更可於電視頻道中點擊下載每集的內容筆記，邊聽邊看邊記下重點，都幾方便。
查詢：www.tcirc.com.hk或www.hkbn.net/digitaltv
