樓花盤每屆入伙，發展商市場推廣部就唔得閒，樓盤愈豪愈忙。 發展商呢期興保留一批單位，入伙至賣，豪宅落成，買家梗係想睇現樓，邊度得閒睇你之前搭嘅示範單位！ 發展商呢個時候就要好留意，查清楚個盤嘅交樓標準有冇出錯，因為呢頭同個客介紹用料，嗰頭就交樓，若果有些少出入，個客會好清楚。因此，市場推廣部隨時要個個禮拜去地盤睇到實至得。