地產演員趙國雄趁新春假期，去咗中東杜拜嘅波斯灣潛水。呢位長實執行董事，一返到嚟香港就開工，噚日一早去咗新城接受訪問，之後又應酬班傳媒兼派吓利是，任問唔嬲，同大家閒話家常，講吓佢嘅杜拜之行。
趙國雄話喺波斯海灣潛水時，曾經捉咗條成米長嘅大魚，重畀條魚拖住佢游咗成百幾碼先至放手，認真好玩；但佢就冇釣魚，因為話怕整傷啲魚，真係慈悲。問佢係咪入住杜拜最出名嘅帆船酒店，佢話唔係，而係另一間全市最貴嘅酒店。
趙董事近年多咗返大陸做嘢，因為自去年國內實施宏觀調控收緊銀根後，香港發展商先至可以較合理嘅價錢競投國內土地，之前國內發展商借錢較易，好難同佢哋爭。佢話呢個機會令香港發展商更掌握了解國內房地產市場情況，係好開始。
程志遠攝