關禮傑同惠英紅噚日喺將軍澳電視城出席無綫《二月星辰》活動，近年佢哋兩個都經常喺內地拍劇，趁住農曆年就盡量抽時間留喺香港陪屋企人，關禮傑話：「我同囡囡都係二月份生，所以會同佢一齊慶祝完生日先走。」而惠英紅就話休息到月尾就會有套無綫新劇開，由於以前拍打戲唔錫身，近年成日周身痛，所以已經唔再接動作片。