洪朝豐昨日在銅鑼灣一間樓上Cafe舉行記者會，他遲了十五分鐘到場，發完一陣牢騷後表示，將於本月十二日在該地點舉行拍賣會，拍賣自己十件寶物，除了三寶佛像外，亦拍賣他曾穿着過的名牌服裝，在記者會期間，不斷有朋友致電邀洪朝豐打麻雀，令他不時忘了自己正在說甚麼。
預計籌一億
洪朝豐說：「我係為我媽咪同蒼生做事，今次係為國際傑人會籌款，我諗住籌一億。呢三寶佛屬天價，我會唱京劇同做瑜伽，我重聯絡咗少林寺、武當山啲人，到時我會瑜伽同功夫一齊做。」
對於有報道指他在中環與外籍女士一起，洪朝豐說：「嗰日我教個學生唱歌，呢個德國女仔聽到覺得好得意，跟住識咗，到夜晚佢走，我怕佢一個女仔返酒店危險，咪送埋佢返去啫！私人嘅嘢我唔講喇！」
採訪：王連連 攝影：何國豪