早幾年世嘉頗為積極喺Windows上移植自家大作，不過近年輪到CAPCOM發力，多款大作如《鬼武者》等均移植至PC上。最新搞作有翻出《BioHazard2》，雖然99年頭已推出過PC版，更非如GameCube嘅重生版般全新規劃，不過卻憑住現今PC嘅強大機能，將畫面強化，解像度大幅提升，比起之前GameCube嘅二、三集移植版更有誠意。最重要係收錄埋美版玩法，敵人及物件配置全部唔同，難度亦較日版為高，嫌舊版太易玩嘅話，大可一挑呢個美版模式。至於隱藏要素如「第四生還者」、「豆腐佬」等依然健在，要爆齊晒須一定時間，若啱啱玩厭PS2《BioHazard4》嘅話，大可止吓咳先。
記者：徐影龍
