陳奕迅（Eason）昨日宣布月中舉行的演唱會再加開十九號一場，共開九場，Eason又於現場與經理人陳家瑛切金咪蛋糕，心情大好，據知他將於下月二十三日正式迎娶徐濠縈，可謂喜事不斷。
狗年伊始，陳奕迅已威到盡，除演唱會門票大賣外，據知他已決定於下月二十三號正式迎娶徐濠縈，並非早前報道的三月七日。而Eason昨日於尖沙嘴一排舞室，宣布演唱會再度加場時顯得特別高興，除不斷應要求擺出跳舞姿勢外，閒談時更大讚記者靚女，心情大好。
左眼遭細菌感染
Eason本月舉行的演唱會，將於下周六（十一日）開始舉行，昨日第二度宣布加開十九號一場，合共九場。左眼受細菌感染的Eason說：「真係過意唔去，之前加場又話肯定唔會再加，點知𠵱家連拆台嗰日都做埋，不過唔明大家點解咁想睇尾場，其實頭場可能重着數。」
帶女兒賞音樂劇
快當新郎的Eason昨日顯得較以往謹慎，提到演唱會綵排，他說：「最緊要順利同埋冇意外，之前出意外，都係因為製作時間太趕，所以一定要小心。」他又透露新年期間除於家中爭取時間休息外，更帶同女兒康堤欣賞音樂劇，他說：「套劇叫《Barney》呀，有隻紫色恐龍，內容好有教育意義，所以同囡囡去睇。」
採訪：藍文浩
攝影：何國豪
