由黃宗澤、廖碧兒主演劇集《強劍江湖》趕及於農曆年前煞科，其中一場戲講述黃宗澤衝入火海勇救師弟，雖然黃宗澤早前為拍此劇已弄傷腿部，但他拍攝時仍毫不錫身，事後他更豪氣地說：「要做就一定要放啲！」
黃宗澤、廖碧兒及鄭嘉穎等在農曆年前趕拍劇集《強劍江湖》，由於黃宗澤拍此劇時曾扭傷腳，故開工時仍要拄枴杖，但日前他仍親身上陣，拍攝一場衝入火海救人的驚險場面。
做足準備工夫
日前黃宗澤在將軍澳電視城拍攝《強》劇一場驚險戲份，劇情講述黃宗澤幾位師弟藏身的木屋發生火警，更隨時有塌下的危險，黃宗澤見狀即不惜一切，衝入火海營救師弟。當日劇組在古裝街搭建了一間屋景拍攝。由於搭景費用龐大，為免NG而需重新搭景，故黃宗澤埋位前做足準備工夫，與導演及武術指導多次試位。雖然腳傷未癒，但黃宗澤在飛身闖入火海時動作依然清脆利落，毫不錫身，結果只需一take便完成拍攝工作，非常專業。
自讚駕輕就熟
事後問到黃宗澤的傷勢如何？他就得戚地謂：「冇乜事喇，拍呢啲動作場面，我都已經駕輕就熟，加上因為唔可以就位，所以要做就一定要做得放啲！其實我由入行到𠵱家都拍過唔少呢類武打場面，之前拍嗰啲比呢套打得重犀利呀！」
採訪：楊潔雯 攝影：陳慧安
